Traballare sa terra est pro nois sa mègius cosa chi s’òmine potzat fàghere.
Su de istare a cuntatu cun sa natura in su traballu, faghet chi sa terra matessi nos torret sos donos suos cun generosidade.
Pro custu motivu amus detzisu de la traballare cun rispetu, agiuende sos fundos e sa terra in modu chi nos potzant donare su mègius sena l’isfrutare.
S’estensione de s’impresa est de gasi 6 ètaros e custa cosa nos permitit de sighire totu sas fases de su traballu netzessàriu a sa produtzione. Sa densidade arta de s’impiantu (gasi 6.000 fundos a ètaru), su rendimentu bàsciu a ètaru (gasi 50 cuintales) e sos tipos diferentes de cultivatzione, agiuant a sa bìngia a prodùere àghinas de calidade manna meda.
Pro como amus detzisu de non tènnere perunu tzertificadu ufitziale, ma sa cosa prus importante est chi su traballu chi faghimus siat de tipu biològicu e naturale, cun su rispetu profundu pro s“ambiente e sa persone. Abbamus cando est netzessàriu e no impreamus perunu erbitzida o prodotu inorgànicu. Damus balore a tècnicas alternativas comente su de fàghere crèschere àteras ispètzies (fae, pisellu etc.) pro istransire sa crèschida de s“erba mala. Creimus chi custa siat sa manera pro dare totu su netzessàriu pro chi sos fundos potzant ismanniare sanos. Su bentu de s“ìsula nostra, su clima bonu nos agiuant a miminare sos tratamentos antiparassitàrios.
Su binu nostru si faghet diretu in bìngia ma est cando su binu intrat in sa chentina chi cumentzat su protzessu ammaliadore chi nos faghet inzestare cussu chi at a èssere a sa fine, cando s“abbaidat su colore proende sa durcura e lassende·si andare a sos profumos de sa ua in fermentatzione.
A urtimera at a èssere unu resurtadu determinadu dae su contivìgiu de s“òmine e de sa natura chi at a fàghere custa trasformatzione in rispetu de su caminu naturale de sa ua a su binu.